2018 冬日 北海道 Hokkaido,洞爺湖 Lake Tōya.小樽 Otaru.札幌 Sapporo 自駕之旅 day 4, 5, 6, 7

D4: 洞爺湖 Sun Palace -> 三井アウトレットパーク 札幌北広島 -> Hotel Torifito Otaru Canal -> 牛角 小樽運河通り店

早餐自助形式,食飽飽執行李走,直接去 三井北廣島 outlet park,全室內行,外面點凍都無緊要,地方大行不完。中午食 food court,之後再行行重行行。

7點半才離開去 小樽,高速公路衝衝衝,遇上雨雪冰雹,擋風玻璃啪啪聲好恐怖,8點半返到酒店搵嘢食。去景點到此一遊,附近牛角食燒肉,唔食牛肉散叫簡單方便,酒店大澡堂沖涼休息。
D5: 小樽洋菓子舗ルタオ本店 -> The Daiso 南小樽店 -> Snowmobile land -> 白い恋人 Park  -> Aeon Mall 札幌発寒 -> Holiday Inn ANA Sapporo Susukino -> MEGA激安殿堂 札幌狸小路 北館

早餐去 Letao 本店食人氣 cake,走完一圈手信街還未夠鐘去玩雪地電單車,去 南小樽 行陣 Daiso。

買吓買吓時間剛剛好,落大雪去 7-11 食啲嘢,急急腳飛車去 Snowmobile,點知錯過路口揸多20mins,去到登記即刻有得玩。

導遊帶隊上平地轉幾個圈熟習環境同操控,之後上山去無人地帶休息影相,不知不覺,再返到木屋已經一小時有多。

附近有 白い恋人 Park,泊車費要消費才免,團友無興趣立即走,轉去 Aeon Mall 札幌発寒,全店準備明日福袋開賣,各鋪也放好一包二包。行吓買吓又一個下午,食埋晚飯返酒店,放底行李去 MEGA激安殿堂 消脂。
D6: 北海道かに将軍 札幌本店 -> 北海道神宮 -> Ario アリオ札幌店  -> Round one Sapporo 札幌すすきの店

今日 元旦,9成鋪頭無營業,蟹將軍 就在街口,11點半開,要另加服務費,食咗差不多三小時,食到想瞓覺。

太太小姐們想購物,Daiso 同百貨公司休息,只有 MEGA激安殿堂,她們買買買,我去 北海道神宮 求福。

札幌,薄野晚飯沒多選擇,試下去 Ario,剛好有  家族庵,熱呼呼的飯及麵吃,還有美味雪糕。

走一轉 札幌 景點遊,路上沒車好好走。返酒店隔離有間 Round One 玩夾公仔,玩夠又係時候上床。
D7: Nippon Rent a Car -> 新千歲機場 -> HKG

今日4點機,又要還車又要入油,重要拼機場商店,十點多起行,順利11點多到租車中心,好快好簡單完全手續,未夠12點到機場國內線大樓。

機場買手信免稅,食埋便當 すず花 起行去 check in 放行李,入閘排隊超多人,保安檢查得幾個位好慢,排咗一個鐘頭才成功入禁區,坐一陣就好快返香港,完成首次 北海道 冬日雪駕之旅。
---
---



































































































































































































Related Posts Plugin for WordPress, Blogger...