民丹島 + 新加坡 之旅 06 (六)23 Apr 2006

M-Hotel -> Clarke Quay -> Maxwell Food Court -> Changi Airport



尋晚去完 Night Safari,玩到好夜,今早9時多才起身.午後2 時要到嶂宜機場,時間不多,沒有安排特別活動.




搭的士去 克拉克碼頭.星期日,有10-20 戶小販在販賣(Trader's Market).在 克拉克大街食市上,人煙稀少,寬大的餐桌空間,只有幾個侍應.晚上應會熱鬧非常.若不是今日離開,定必找下位子,感受一番.

慢慢行至 Funan The IT Mall,入 supermarket 買了幾罐 咖椰.本來想在此food court 午餐.時
間還早,轉移去 Raffles The Plaza,入商場不久,落大驟雨.

搭的士去 Maxwell Road Food Court ,尋找 天天海南雞飯, 或許驟雨未落完,好多人不願離去,好難搵位.天天海南雞飯 果然名不虛傳,等了 10 分鐘才能夠落單.海南雞飯到手後,10多人的人龍,始終未有減退.




Maxwell Road Food Court ,除左天天海南雞飯 每一檔食物都吸引,好想一次過食晒每一檔的美食

食完午餐,回酒店取行李,搭的士出機場(S$12),趕上 16:05 的 CX734.



總結:
  • Easter Hoilday 出走 新加坡,發生左不少問題,大都是在安排行程時發生,如... 早機full了,老婆意外懷孕/小產等.導致新加坡之行,總是附著一點點不足.好在出發後,沒有什麼意外發生.總萛過了開開心心,休閒自在的假期.
  • 特別鳴謝 BK 的 星加坡旅遊日記! (part 1, 2),ABCD媽咪的民丹島日誌.BK Rebecca 的Star Harbo card,BK 的 晴晴媽媽,同行 Hilda 一家.BK 民丹島的留言,仲有其他網上資訊.Bintan 民丹島‧自己去就可以 等...
  • 世事往往奇妙地發生,海豚,紅樹林,最值錢的活動,驟雨會一齊同行.睇黎 瑄瑄 和 叡叡 自水戰東京 開始,只要是他倆一同出埠,風雨自然跟著來.
  • 民丹島 resorts 的消費貴,消費起來時,總是就住就住,好處是活動多及集中.住左4日3夜都未必玩得晒.當然,記住帶足夠金錢.
  • 去完新加坡,對這個城市認識加深不少.乾淨,休閒,簡單.
  • 聽朋友講新加坡是好細的地方,又悶.事實証明,新加坡有好多野玩,只係好快可以玩晒.
  • 新加坡能有今日的成就,好多東西,香港可以學習.如社區Food Court,好地道,好有氣氛.綠化設施.舊建築保養 等等.
  • 新加坡的東南亞美食 食之不盡, 沙嗲,燒烤,刨冰,Kaya,海南雞飯,肉骨茶,Laksa叻沙, Chye Tow Kueh 菜頭粿,RotiPata 薄餅.如果冇左佢地,新加坡的韻味,就似是煲湯冇落鹽一樣.淡而無味.
  • 嶂宜機場離境保安撿查,在登機閘口前,不似得大部份城市,離境保安撿查在過入境處後.這樣安排的話,上機前就要等一輪才能上機.十分麻煩.
Photo Album (1) - Click, Photo Album (2) - Click

Ref:

分類: Family Photo Travel

2 則留言:

  1. 凡是要向好果邊諗,上次東京之行10日落左8日半雨,今之民丹島+新加坡之旅落左最多6小時雨...大有改善呀!所以下次一定日日晴天.不過,想保險d,下次出門,最好加多個陽光仔/女.

    回覆刪除
  2. >>最好加多個陽光仔/女.
    Yep,但係要幾個 family 就到假一齊出發,真係有d 難度.

    回覆刪除

Related Posts Plugin for WordPress, Blogger...