黑仔？

老婆俾公司掉去另一間分行番工，俾人掉行既原因，竟然係佢老細唔想多一人係度，就要"咩"大 d 條數．
唉．．．．　冇法．佢老細係等退休，小做小錯．

家下個新老細，聽聞追數追得幾緊要．唔知我老婆頂唔頂得順呢？

因為早兩日，打邊爐時，餐桌玻璃爆裂，好在仲支持到個 pot，唔係就不堪切想喇．
係中環律師樓拿番份車位契後，走左去銅鑼灣睇餐桌．

IKEA 果 d，全部唔掂，d 顏色死古古，開合款好屎．

之後諗住去 delifrance 食，黑仔事接著出現，就係尋晚 delifrance 週年晚宴，6pm 已關鋪．尋晚仲要係老婆舊曆生日添，吹脹！

跟隨第二黑仔事件之後，第三黑仔事件再現，就係諗住去 銅鑼灣 實惠 再睇餐桌，幸運地，銅鑼灣 實惠正在裝修．CLOSED！

老婆話，黑仔事只得三件，唔會再多．好在，World Trade 既 Genki Sushi 有開工．食左2佰幾就番屋企．
番到屋企，食左藥水，眼都紅晒既 文瑄　都仲未睡，仲要睇埋 Toy Story 先至願意上床．

聽日老婆生日 [4 Mar]，起初諗住去 山頂 的 峰景餐廳 食晚飯，不過聽日市區只得 9oC，山頂再低幾 oC．都係留番係市區食．