結婚前宜先考慮的財政問題

轉載自 信報財經新聞 曹仁超 2006-02-15 投資者日記 持開放心態迎機會


今天係情人節,願天下有情人皆成眷屬,但在結婚前宜先考慮財政問題。

  • 一、如果買樓,邊個負責供,兩人合供?當小孩出生之時,做母親者可能收入大受影響。
  • 二、未來退休計劃及物業承繼權點樣分配?子女日後讀書費用如何?
  • 三、你的投資策略能否保證未來幾十年為家庭提供健全財政。
  • 四、如雙方其中一方不善理財,係咪由另一方代勞全權負責而另一方不得異議。
  • 五、貧賤夫妻百事哀。談情說愛很浪漫,一旦結婚,柴米油鹽醬醋茶樣樣講錢,小夫妻爭執有90%同錢銀有關。

2月14日浪漫完後不妨講金,早一點講金反而保證婚後生活愉快;反之,一味講心唔講金,倆個共同生活之時往往佳偶變成怨侶機會高達50%。

我老曹出身貧窮,實在唔想過上一代生活(一家幾口一個房兩張碌架床,自己做大佬沒床瞓,唯有瞓帆布床)。所以拍拖第二年起,已開始計劃,婚後更面對香港有史以來最大一次熊市,恒生指數跌幅達93%,如事前冇計劃,今天不知情況係點。

Paris Hilton(巨額財產繼承人)本周五將二十五歲。外傳她在情人節那天所說的話:聰明女性需要四種寵物:

  • 一、在衣櫃內的皮草大衣。
  • 二、在車房內的積架汽車。
  • 三、在床上的老虎。
  • 四、甘心情願為自己傾家蕩產的笨驢(jackass)。

男性千萬不可做美麗女性眼中的笨驢,真心愛你的應該係識於微時的糟糠之妻,這個情人節你同邊個度過?!

2 則留言:

  1. 田,
    你呢遍文章岩晒我forward比Piggy睇呢.謝謝!

    回覆刪除
  2. 咁佢仲有冇乜野煩緊呀?
    見佢成日話依家份工好辛苦...(msn status)

    回覆刪除

Related Posts Plugin for WordPress, Blogger...