康狄夫長波理論 (Kondratieff Wave Cycles)

康狄夫長波理論既一個週期，可以長達六十年，由一個盛衰，到另一個盛衰，可能經過我地既半生．如果康狄夫長波理論不應為時代既變遷而改變原有既論據．未來既15至20年，日子將會幾難過．

根據康狄夫（Kondratieff）既長波理論，一般有四十五至六十年才完成一個循環周期；《信報》老讀者可能一早知道，但新讀者可能仍唔了解，我老曹係度簡單D再講一次：

第一個康狄夫長波由1780年開始至1814年，係上升周期，由西方國家興建道路、運河、橋樑帶動。

第二個康狄夫長波上升期自1840至1870年，由美國鐵路化及蘇彝士運河開拓成功，令運輸成本大跌帶動。

第三個康狄夫上升長波自1890至1921年，由電力、汽車、通訊改善營商環境，以及巴拿馬運河1914年開拓成功帶動。

第四個長波上升期自1945至1970年，由電子及航運空業帶動。

1982 年起我地進入第五個長波上升周期，由電訊、互聯網及IT服務推動，係咪已完成擴張期？電訊、互聯網及IT服務加快經濟環球化及外判生產，並建立以知識為基 礎工業。每一個長波上升周期，都建基於前一個長波所提供既基礎，例如冇航空支援，又點樣引發下一個互聯網長波上升期，將共產主義國家或社會主義國家亦納 入環球經濟體系；令品牌地位變得如此重要。每一個長波必有國家興起，例如1890至1921年美國發明發電機、汽車及通訊器材，取代英國在世界既領導地 位；1945至1970年日本興起，亦一度挑戰美國；1982年至今輪到中國同印度興起。

轉載自：信報財經新聞 曹仁超 2006-03-17 投資者日記 梵蒂岡唔怕逼爆

分類: Economy
延伸閱讀：http://del.icio.us/search/?all=Kondratieff+ , Kondratieff Wave Cycles