投資成敗繫於個人性格

Quoted from 曹仁超 2006-05-15 投資者日記

人生分三階段：
一、三十五歲或以下，膽正命平，富向險中求。
二、三十五歲以上但五十五歲以下，經驗豐富兼手上已有個錢，宜計算風險同回報嘅關係。
三、五十五歲或以上，面對退休，以保本為主。喺人生不同階段應有不同投資策略，適合甲嘅並唔適合乙，適合乙嘅並唔適合丙。

1984年我老曹曾鼓勵朋友買樓，佢話供唔起，我老曹勸佢捱麵飽去供樓，佢話睬你都傻。到咗1997年佢見別人喺樓價上大賺，卻傾盡所有去付樓價首期，我老曹欲阻止他咁做，佢卻話再講連朋友都冇得做！
到今天佢仍係負資產，卻怨上天對佢何太慘，我老曹無言以對。

喺適當時刻做適當事。年輕之時輸得起，點解唔博？到退休之時萬事憂，卻唔肯保守……。
投資成敗原來同個人性格關係好大，呢方面非三言兩語可改變；
One Man's meat is another man's poison！

適合自己嘅投資策略未必適合別人，都係少說為妙。例如今年農產品價格上升，又有幾多人相信？大部分人仍沉迷於資源股項目。 上周美國能源股平均跌幅3.22％，雖然礦產價格上升，但天然資源股上周平均回落2.56％。

分類: Feeling Economy