忍手 + If youth but knew......if age but could

上星期五開市，諗住以現價買入 南方航空（1055），但臨睡前諗諗下，做乜咁心急，應該仲有水位回，忍手吧．咁橋，曹 sir 係星期五再叫大家等下先．

轉載自：信報財經新聞 曹仁超 2006-06-02 投資者日記 「魯賓」現象或重演

今時今日，股市欲有似樣嘅反彈唔容易（If youth but knew......if age but could）。大自然係公平嘅，年輕力壯時通常無知，到年老氣衰時反而充滿智慧。

股市大跌之後，唔少年輕投資者入市博反彈，年老投資者識得忍手，既然6月29日仍須加息，咁心急入市做乜嘢？

恒指今天下跌，繼續向二百五十天線靠近，成交五百四十億三千七百多萬元，即使扣除中國銀行上市，成交額仍然唔細。

年輕投資者唔明白周期性因素，以為股價上升嚟自公司純利增長，佢地對七十年代嘅情況冇經驗，股票市場因此一再教訓佢地，直到佢地交足學費為止。投資智慧通常需要時間去累積，而一個循環周期需要好長時間才完成【圖二】，年紀冇番咁上下好難明白。

分類: Economy 至理名言