信報財經新聞 曹仁超 2006-12-01 投資者日記 今年聖誕勢現消費熱
我地都關心子女，有D為子女買一個住宅單位，以免佢地受供樓之苦；有D為子女提供良好大學教育，以便長大後有賺錢能力；有D以子女名義購入一百萬元或以上嘅基金，以便應付日後不時之需……。不過，最好嘅方法都係教曉子女投資之道。例如喺利率上升期點樣應付、樓價上升期如何作決定、高失業率期又如何自處，以及如何未雨綢繆。及早養成儲蓄習慣，唔好入不敷支（生活開支不能超過稅後總收入90％），以及如何投資、如何令投資保持每年15％速度增長。如你今年三十歲，應該開始為子女設想；如你今年四十歲，更應該及早行動；如你今年五十歲仍未教曉子女投資之道，請加快，因已時日無多。一個習慣養成係需要時間，所謂十年樹木、百年樹人，只有及早養成子女良好投資習慣，才可確保你嘅子女一生唔會貧窮。
投資理財三大因素
投資理財三大重要因素： 一、投資回報； 二、投資風險； 三、投資時間。
投資回報率愈高，風險相對上升。例如認股證（俗稱輪）係投資回報好高嘅項目，隨時可賺100％、200％甚至300％，但同時亦係風險相當高嘅項目，隨時可損失本金50％甚至一無所有。反之，定期存款回報率十分低（依家只有三厘），但風險細。投資者可因應自己年紀大小、承受風險嘅能力去制訂自己嘅投資策略。
1975至97年我老曹要求自己投資回報率係25％一年；1997年後香港經濟上升周期已結束，便將回報率減半，即12.5％一年已滿意；制訂回報率後，便持之以恒。我老曹朋友之中，有人一年賺本金100％回報，第二年卻輸突，所謂三更窮五更富，呢類人如果唔係發達就係破產，唔合我老曹嘅性格，我老曹喜歡細水長流。
大家都知道，以一萬元資本每年上升25％，三十年後本利和八百零七萬元！換言之，任何人由二十至二十五歲開始投資，以一萬元為本金計，到五十五至六十歲退休時應擁有一千萬元或以上，達致「小富」水平。即使以年率12.5％增長，平均每十年亦增長225％。假設你1997年擁有一千萬元，到2007年應擁有三千二百四十七萬元。
上述道理好簡單，但點解香港嘅千萬富翁唔多？其中一點係一般人盲目追求高回報而忽略風險，例如追求每年50％回報。同樣以一萬元起步，十年後可以變成五萬七千六百多元，如第十一年損失50％，便得番二萬八千八百元；第十二年再損失50％，變成一萬四千四百元，最後便連信心亦輸掉，所謂欲速不達。喺制訂回報時，別忘記風險，唔好把回報率訂得太高。
幾多人1997年前風光，今天卻一無所有？就係忽略咗風險。有人希望四十歲前退休，除非你係投資天才，不然唔可能達到，因為時間係投資成功嘅第三大重要因素。以二十五歲十萬元開始，十五年內年年增值25％，四十歲時亦只有二百八十四萬元，何況喺1997年後每年增值25％嘅項目可遇而不可求。資金由小變大，通常要三十年時間才可完成。
反觀投資界，「二八現象」好普遍，即20％成功者背後有80％失敗者，理由係大部分人唔了解上述三大因素。
今年如果你係三十歲或以上、大學畢業，家吓喺香港呢類人才失業率不足2％（或接近全民就業）；反之，如果你係五十歲或以上、中三程度，咁就麻煩，雖然經濟已繁榮咗四年，但呢類人失業率仍接近8％。經濟轉型後誰受惠、誰受害已十分明顯，因此應好好把握自己嘅黃金三十年！
分類: 投資
沒有留言:
發佈留言