08年 大阪 之旅 Day 5 [那智勝浦.Rinku Premium Outlets.Hotel IL Cuore Namba ホテルイルクオーレなんば]

昨晚忘憂洞的女湯只是局限版,超細海景,一晚過後,事過景遷,男湯轉女湯,一眾女仕晨早就出發去忘憂洞.

日昇館房間的無限景觀.








跟著又係食野時間,早餐有傳統日式加西式,全自助,美味.飽嚐後,乘 浦島丸 返碼頭取車.

日式 + 西式早餐.





日昇館餐廳.


浦島丸碼頭


撥盤式電話


行程原是 那智の滝,熊野那智大社 參觀瀑布,寺廟.

可惜時間關係,Peggy 要趕回機場搭 18:10 既 CX507 回港,只好取消早上活動.直接回 関西国際空港KIX 側的 Rinku Premium Outlets.給 Peggy 乘 shuttle bus 往機場.

橋杭岩 - 串本


道之站


晒尤魚


由 勝浦往田邊的42號熊野街道,只有雙線雙程行車,間唔中又會遇上 年長駕駛者,時速絕不過 50 km/h,佢地又會似老賣老,經過讓車處,又未必讓.

高齢運転者標識


20080819 和深隧道

最終返回田邊的公路上,才飛快地跑,爭回不少時間.在 印南SA 申申腳,飲果汁,解解手.再北上進發.

到達 Rinku Premium Outlets,正是午餐時候,在food court 內,各式各樣食物也有.每樣買一點,美味非常.


Outlets 地方大,鋪頭多,貨品又齊,只是價錢唔覺得特別便宜(就萛匯價回落至 0.07x).

行左個多hrs,無咩特別,拿車回大阪 難波 Hotel IL Cuore Namba (map),ホテルイルクオーレなんば

時間還早,決定不走收費高速公路,選擇普通街道,在天黑前返回 難波,搵了一陣才搵到 入口.

James & Eric 返去 梅田返車,攪左個幾鐘先返.

晚餐去左 拉麵 ラーメン四天王 難波中店,個個都話湯底好濃好鹹.我就覺得不錯喇,事關我食得好鹹啊.



食完在 難波 Shinsaibashi 心斎橋 四周逛逛.

Photo album


Photos map view

Larger view

Tracks & photos by Google Earth kmz (click)

Remarks:
我只擁有3個月車牌,揸了一段由油站至印南SA,之前一直被慢車阻,好想抽頭過.可惜沒有機會.
另外,在田邊市的未上高速公路的一段路,跟著 Eric 架 El Grand,不經意衝左兩次燈.好危險啊!
首次在外地揸車,在郊區開了幾句鐘,車量很少,感覺輕鬆,只是,穿越雙線雙程隧道時,好怕越過對面行車線.要好小心揸啊.

在 印南SA stop 左 GPS track,之後唔記得開返.以後唔會停 track,會改去 track by distance (50m).咁就唔會停係度時不段漂移了.

沒有留言:

發佈留言

Related Posts Plugin for WordPress, Blogger...