電車文化

真估不到，突然之間，香港電車給外國公司入股．實在唔知咩野葫蘆賣咩野藥．

電車，對住港島區居民來講，真係有多多篇章都講唔完既回憶．
其中一定會有一種，會係拍拖勝地，又平又好用，又浪漫又溫馨．望著窗外景色，由繁華鬧市，至孤寂舊城．
輕搭至愛，慢慢地與愛人細說心事，感動至極．

此外，當年8964，0371，每次大大小小遊行抗議，電車總會刷肩而過，穿插其中，仿佛要齊聲抗議．
同時，電車既經濟，又實惠，長短途也是不錯選擇 (時間充足的話)．
當然，踏上電車遊車河，跟隨它四處觀光，閱覽不同人既面孔，實是美好的生活體驗．
若是你生活在港島西區，它必然是重要的接駁交通工具．

而在昔日羅素街電車廠入口，帶給我或多或小的生活回憶．

由晨早跟著媽媽買餸的維修聲響．
到晚上跟著 叔叔阿姨 在 么鳳 門前飲付竹水時的吱吱聲．
也會產生多段回響．

電車，已經係我地既一部份，港島區既遺產，香港既重要歷史．不知在新公司，新領導，新文化下，又會否帶來新面貌，帶出全新價值．



 
講開電車，一定要提102 號電車, 它的燈泡還是舊式昏暗烏絲. 坐位是舊式籐製．懷舊風味十足的舊款電車，坐上它，望出去，就似回到 80，90年代．有機會遇見，也可以一起懷緬過去．









ref:
電車博物館 (HK Tram)
霎東街電車廠 (hk-place)
懐舊電車.... (dchome photos)