回鄉祭祖

濶別接近30年的鄉下(廣東省南海九江鎮 )，變化實在好大．當時只能行堤圍到達祖屋，最多只能坐摩托車.

經過咁多年既發展，私家車也可處處直達．四處環境也乾淨整齊．

不難想像，再多 10年8年，這些地方，好可能成為我地黎d 港燦既後花園．

今次行程，實在太倉促，兩日一夜內，淨係搭直巴，已經用左 9 hrs.

同各世叔伯，堂兄弟姊妹，表哥表姐也未能一一認識．期望第日廣深港高速鐵路 正式通車，好快就返到去．

第2日，祭祖活動後，參觀了收復中的九江大橋 ，江濱區一帶既 house，同埋 曾特首 家鄉．

今次回鄉時間雖然好短，也能體會到鄉下既生活環境，回味一下往事．可萛是不錯既經歷．

此外，鄉下既食物，雖則簡單，但係就樣樣都咁好味，食過唔停得口．

講開鄉下，有兩件事係最難忘既，

第一係花名: 單吊西．第二係被拋落河涌．

相信老一輩既親戚，也知道單吊西這花名，

原由是當年回鄉，有天早上起身，聽見雞啼，

當其時以為隻雞叫我中文全名既"鞋"音．

自此之後，黎個花名紅遍 九江/香港 關氏．

況且，打牌都經常咁樣叫啦...!

另外，一直以來，也未學懂游泳，要到 10 幾歲才學曉．

當年某日，不知誰把我由 河涌上的木板橋拋下，水位高過人頭，

成個人插進水中，當時情景依然歷歷在目...


Photos:
新屋



大望山公墓


美味小菜


百年糊塗 33%


九江大橋



江濱魚塘


廣場


江濱區洋房


曾氏宗祠


曾特首回鄉


曾氏派輩序列


祖屋


當年被拋位置


九江 關啟翼堂 考察祭祖活動


咬庶




九江太和莊酒樓

Ref:
20090418 九江 kmz
20090419 九江 kmz

九江地圖

View large map