釣墨魚

上星期六(20 Jun, 2009)，Sara 攪手攪左個釣墨魚團，4點幾就開始出發去坑口，坑口行左陣東港城，5點40分左右已經去左搭 101M 專線小巴．可能係西貢公路太多車既關係，等左3架101M 先上到車．6點20分先到西貢.

西貢市實在太恐怖，人又多，車又多，等齊所有朋友就 call 船出海．


咁岩得咁橋，蓮花 (颱風)在香港略過，攪到天氣非常悶熱，出到海(西貢海)中心，一點風都冇．我地就係海中心既船尾開餐．有炒麵，三文治，炸雞塊，鹵水雞翼等等，仲有好特別，好美味既"拔爛地，xx醬, xxx"烤排骨(Hilda, Sara 上堂既功課, 唔係好記得個名lu)


食到咁上下，我地仲law埋蛋糕出黎，攪左個 Sara 3x歲既迷你生日party, 同一時間，借助 JoJo 既功課 (xxx 朱古力蛋糕)，一同慶祝父親節．






食飽當然要活動一下，我地各個都起勢咁"churk"，攪左好耐，都未有任何反應，船家決定開船，去左大頭洲，雞洲對出海面再碰碰運氣．

鬼手...


開始有第一隻上吊，過了一會，再來一隻，最後，可能天氣太熱啦，墨魚也潛水去了，總數也只得四隻．








接近10時，船家命令回航，匆匆炒熟墨魚，上岸補返張大合照，趕上 101M，接近 11:30 才返家．

4大隻炒熟魚



回程






大合照


Remarks:
西貢超多人.星期六日冇乜特別事，出入西貢一定要好有耐性，同埋預多d 時間在交通工具上．
原來過左滘西洲公眾停車場係有個爛地場泊車，聽朋友講 $11/hr.

Route in Google Map

Click for larger