泰國布吉 2011夏 (2)

萬豪 Surin -> 高卡車 -> Central Festival -> 布吉 Big C -> Lotus Resuautant -> Tecso Lotus

來到布吉，生活節奏慢左4拍有多，訓醒去食早餐，MoMo Cafe 的美式早餐，不會太特別，簡簡單單，要有既，一定有．不會令人失望．

小朋友食飽，第一時間去既當然係 Kids World，有 PS2，波波池，廚房，畫室，甚至 BB床，仲有私家看護在場把守．

大人繼續享受小朋友的出走，坐在 Cafe 一路傾一路食．實在消遙．

不經不覺，玩到 11時多收拾細軟，離開酒店(12:00pm)．臨離開前，找 reception 幫忙預留 5:30pm, Laguna 區的 Lotus Restaurant. (最後要 call Lotus 幫忙預留至 6:30pm)

Hea 完早餐的第一站，去玩高卡車．

一到車場(12:30 pm) ，就有員工遞上冰凍濕紙巾，冰涼透心。

高卡車車場座落芭東往布吉市的路途上，接近9歲的文瑄玩不到 kid kart，為了小朋友有機會感受小型賽車的快感．租了兩架 2 seater kart 各自玩 10mins，690B，5分鐘後換人．太太們影相攝錄．

左轉右轉，揸左好多圈，5分鐘過去，有牌舉出提醒換人。再衝多陣，last lap 牌被舉起，再衝多圈過終點。690B．

玩完去 Central Festival 食晏 (2:00 pm)。這裡有 S&P，MK，想食乜有乜，多多選擇．多不勝數．揀左一輪，去左同屬 MK 旗下的日式定食店． Yayoi．

布吉 Big C十分大，求其行左1個鐘多d ，買左d 野就要走喇，下一個目的地係 Lotus Restaurant. 揸車去最少也要40mins.

經402 北上，再行 4030 入，到左下面路口右轉, 當眼前見到湖同埋 outrigger，就左轉慢慢行就到。不過我地過左 outrigger無左轉，一路行到海邊才再向南直行．

Lotus Restaurant 睇日落真係一流(6:20 pm)．我地好好運，無乜雲，一整個咸蛋黃高高掛在天上，一步步走向海平線．再把雲霞照耀．

睇完日落，行去海鮮檔揀海鮮．揀了幾隻老虎蝦，兩隻蟹，其餘再 order 沙爹，少炒．冬陰宮等，一路食，一路聽著海浪泊岸，再加上微微涼風，寫意非常．接近 9 時才捨得離開．

回 Surin 的路上，有 Tesco Lotus 作睡前 shopping，行下買下，又買幾件．10時多返回酒店．

布吉 第二日 GPS log

View Larger Map