尋日約好四大人 spa，好多時段也滿，只得 1-3，上午有半日空檔，去sheep farm 喂羊仔。 揸車 20mins 內到，公路入口好鬼祟，差點走漏眼。
B$50 入場，包一扎草給喂羊。綿羊好單純，見到草就會跟住走，佢地好鬼精，一不留神，會給牠們搶走。
玩完羊仔，四周圍影下，玩左個幾鐘，差不多時間離開喇。 在出口位置，sheep farm 有專人整作相集給購買，可惜影得麻麻，買不落手。
Set 好 Waze 去 Centara Nova Hotel & Spa Pattaya, 行爛泥路返，眼見爛泥路超爛，行返原來條路，誰不知 u-trun 位在數公里外，走多十分鐘路程啊。
趕得切，剛剛好準時到，飲杯 welcome drink，填好問卷 + 部位意向。
無 book 特色 package, 按 1.5 hrs spa buffet 另加 30mins，各自揀想要的組合， buffet 已經 discount 左，再無另外嘅優惠。
THB 2,400++ / couple 再加 THB 200++ 30mins
小朋友就靠手機，渡過兩小時。早餐食得飽，午餐未食都唔覺餓，spa 對出有 Family Mart，放低錢佢地肚餓去買野食。
老婆個肥師傅就麻麻地，我那個就 ok，以這個價錢，這種環境來講，萛 OK 吧。
離開 spa，南下中路，一心諗住食豬雜麵，到路口時好塞車，左轉排隊等轉燈，望見 喃呤，泊低車入內望望，似乎不錯。
叫左春卷，咖哩雞飯，豬腳件飯，蝦餅，炸雲吞，最正係碗 雜錦番茄辣湯麵，湯底與食物的好味程度，完全是無法用筆墨來形容的快感。
返酒店，老婆去 Big C 補倉，呀女同我上泳池吹風，欣賞晚霞餘暉。
接近8點，去 三路 Mum Aroi 夢阿萊 晚飯，剛好有檯，露天燭光晚餐，睇餐牌要用手機電筒。
晚上不熱，可惜有蚊咬，叫到一檯都係。 食飽去中路買 姐蓮 芒果糯米飯，大樹菠蘿，當然唔少得冰芒果啦。
送返酒店後，去入滿油先，要去到北路中段，只需 THB$1,158，用左4日都不用 HK$300, 超抵。
Ref:
沒有留言:
發佈留言