田三填四: 清邁 2017 夏日之旅

D1: HKG -> UO753 -> Chiang Mai Airport (CNX)-> U Nimman Chiang Mai

老婆送 Michele 返學，原本要即刻出發去機場，UO753 5點改到7點起飛，原本好趕時間，變成好輕鬆慢慢出發去機場。

遴近地區不停落雨， UO 人手又不足，啲航班不準時，3點幾機場 check好 in，terminal 2食飽飽才入閘，6點多係閘口都未見飛機泊好，最終8點半起飛，10點才降落。

淘寶約好漢清邁機場接送，keep 住同 hot-line 傾起飛時間，一降落即刻通知司機，衝進海關，好快到大堂，不一會找到名牌，上車返酒店。

原本8點多到酒店，delay 又 delay，十一點才到 U Nimman Chiang Mai，環境新淨，大堂整潔，2016 年開張，好快安排好房，坐一陣望一望，放底行李去醫肚。

沿寧曼路一直行，麥當奴對面排檔，食碗麵當宵夜，再找 Guu Fusion Roti & Tea 食件 pancake 返酒店。

D2: U Nimman Chiang Mai -> TongTemToh ต๋องเต็มโต๊ะ -> Chiang Mai Night Safari -> Think Park -> MAYA Lifestyle Shopping Center -> Swensen’s -> U Nimman Chiang Mai

今日行程只有晚間動物園，食過早餐，兩小姐去天台泳池游泳，小爺要留房溫習，準備補考，太太漫步寧曼區購物，順便找漢清邁，睇睇未來幾日 local tour 情況。

中午去 TongTemToh ต๋องเต็มโต๊ะ 食泰北菜，同平時的泰菜好不同，叫到一檯都係，好飽好好味。

返酒店等車去晚間動物園，淘寶訂車，我哋尾站等咗陣才到，上咗車好快到門口，約好晚上 8 點返來集合。

雖然係晚間動物園，下午4點已可以入場，若然夜晚6點才開始，時間會好趕好緊泊。到步坐左邊遊園車，遊車河一會，返終點時開始落雨，超級大雨，返回中心區避雷雨。

落完雨去右邊猛獸區再坐遊覽車，天未黑可以睇多啲嘢，不過無神秘感，巡邏完都未天黑，慢步過去等老虎 show．表演好簡單，老虎跳來跳去，走來走去，廿多分鐘完，同老虎影張沙龍，返 hall 休息一陣，食啲嘢，準備集合回酒店。

返到酒店，對面 Think Park 有榴槤檔，味道唔濃，一般．隔離 MAYA 收10 點，行一陣之後去 Swensens 食雪糕，填飽個肚好瞓覺。

D3: U Nimman Chiang Mai -> MAYA Lifestyle Shopping Center -> 烤雞 ไก่ย่างเขาสวนกวาง เชียงใหม่ ประเสริฐแลนด์ -> Nimman street -> Bor Kung Pao Chiang Mai -> Nimman -> U Nimman Chiang Mai

文瑄繼續為補考英文，獨留房間溫習，大伙兒食飽早餐，去 Maya 商場玩，逛。玩到一點多接文瑄食烤雞，蠔餅，排骨，沙律，豬頸肉，好好味，又飲又食只是千銖。細路返酒店游泳，繼續未完的 Nimman 路。

Nimman 路街頭行到街尾十幾條街，大熱天時汗流浹背，順路行一次己足夠，返酒店晒太陽，游泳，瞓一陣，又到晚飯時間。

出發去食大頭蝦，蟹腳，找雙條去，轉個彎就到。這裡大頭蝦最好味，魚，蠔就麻麻喇。全蟹腳賣晒，無機會享受，公車冧把，炒菜炒飯也可以。

在路上找雙條回 Nimman 路，按個 oil massage，返戶房瞓。