6月25日星期五晚, 同Sara 去左旺角既油麻地旅遊,
個條龍排到鬼咁長... 落一層, 去中旅睇下
點知,濠澋full左, 其他似樣既 4 星都一樣 full 左.
冇法, 只有Hyatt有房, 貴$200就貴$200啦,
只好以酒店既設施好左, 黎安慰一下自己.
之前一晚, 已經把一切諗住帶既用品都放入行李中.
包括, 文瑄個枕頭, 旅行用既奶瓶袋, 縮骨遮, etc...
星期日, 出發.
我地約好, 食早餐的話, 9:40 Mcdonald 等
or 唔食早餐就 10:00 閘口等.
Syreeta 同我好好運, 一到車站, 已經有巴士.
9:40 就已經到左Mcdonald.
誰不知, 我地係最早到既family, 過左無耐, sara 同 JoJo 兩家都好快到.
一路食早餐, 一路寒暄一番, 睇下手表, 已經 10:05 啦,
大家急忙食埋餘下既食物, 急急腳入閘去了.
船程要1hr, 大家傾下玩下, 好快就到澳門.
係海關等左10+mins, 先至過到關,
幸運地, 一出碼頭就能夠登上酒店專車,
轉眼間,就經過新開張的金沙娛樂場,葡京娛樂場,澳?大橋.
check-in 完, 見時間尚早, 大家休息一會, 約定 2pm 出發去首站 - 媽閣旁既葡國餐.
呢餐葡國餐lunch, 最出色既唔係任何海鮮亦都唔係乜乜牛排豬排,
係一個個半熱, 外皮半脆既豬仔包.
食法包括淨食,搽牛油, 點咖哩食, 各式其式.
食完飽滿好味既一餐後,就係媽閣廟前留影
跟著,打的去媽閣廟後山上的主教山教堂.今日好好陽光, 仲好熱添,
而教堂前既一片空地, 已經沒有太陽晒住, 清風送爽, 好不清涼.
呢個教堂既景色實在無敵, 大家都捨不得離開.
主教山比較麻煩, 好小有的士到. 最後, 決定行落大馬路等車.
唔知點解,行到大馬路, 都係冇的士. 只好見巴士就上.
原本諗住去松山炮台, 因為太熱既關係, 都係去議事廳前地一帶,
買野飲黎降溫. 大伙兒眼見有特價 3 蚊一杯既 lemon green tea with small pearl.
即時買左幾杯, 光哥仲買煎餃子一齊食. yumi
各小朋友都陸續訓左, 3 個媽咪睇下靚衫, 之後買左幾罐drink 就打道回酒店,
休息一下, 順便相量晚飯食乜.
上集完 Click for 上集全相薄
篇遊記好正喎~~ ;)
回覆刪除