大家相約在7時302號房準備出發晚飯,分別提議左誠昌啦,狗場個頭既日本料理, ?仔同新口岸既葡餐, 最終, 因為Schedule bus 走左, 就係附近既一間日本料理食, 當晚叫左好多野食, 雖然唔可以講話好好食, 都萛係水準之上. 海膽sushi大件, 中華拉麵清新, 只差那個地獄拉麵唔夠地獄.
大家都掛住照顧小朋友食野, 食淨唔小野. 慢慢傾下食下, 時間好快就過. 番到酒店, 宜宜要食藥, 喂藥聖手 Syreeta 自然出手幫忙. 今次喂藥聖手都唔多掂, 可能宜宜已經唔怕呢個奶奶喇.
各人睇完聖手既表現後, 睡意正濃, 就係黎個時候, 我同光哥坐著既玻璃突然破裂.嚇得大家精神起來. 大家心想, 應該唔洗我地賠償掛.
第二日, 照完定時間去泳池遊水, 泳池比想像中大, 仲有一個適合bb 既淺水區Ooooo正ooooO可是, 之後我地食自助早餐, 玩左唔夠 30 mins 就要沖身離開.
十時左右到達食早餐既地方, 有好多好多, 各式各樣美食, 因為大家知道唔會再食 lunch 既關係,大家都食完一碟又一碟. 好忙.
其中兩間房唔能夠 late check out, JoJo 同 Sara 那兩間房就此 check out 左先. 11:30 時, 眼見最遲一間房可以 13:00 先 check out, 就此大家去?仔行行.
有颱風係附近既關係, 天氣實在太悶熱, 我地做錯左一個決定, 就係慢步去?仔, 我地已經用最慢既步伐黎行, 都差點熱死. 去到臨近車厘哥夫本店時, 有間冷氣房既文化中心,大伙兒立即攻佔入內, 嘆其冷氣.
冷氣地方實在吸引, 已經沒有時間在?仔閒逛. 立即乘車回酒店 check out.
回到酒店, 準備 check out. Sara 去到 counter check out 之際, 大家都把行李寄存在酒店 坐上 schedule bus 上等 Sara.
誰知昨晚發生的爆玻璃事件, 酒店方面要我地賠償 $450.
嘩... 大啦啦幾舊水, 當然唔會屈服. 我地就認為11點 check out時, 酒店唔check 清楚, 依家成 13:30, 話要我地賠. 當然唔可能啦.同時, 我地話那間房既朋友已經走左, 一時之間未能聯絡到. 而且, 那間房既朋友有冇整爆玻璃, 我地唔會知.
經過一輪交涉, 酒店方面認為未必係我地做既, 可能真係那間房既朋友整爆玻璃.只要那間房既朋友致電回酒店通知. 就可了事.
我們就繼續餘下既行程. 因為遲左20 mins, 況且烈日高掛, 都冇時間去 大三巴 影相. 只有去十月初五街的鉅記買手信.
好快, 就要打的去 Macau Tower 食 tea buffet, 大家都好明白, 黎餐 buffet 正唔正唔緊要, 因為上到 60/F 既 tower 睇風景, 真係有另一番味道. 而且又有得食添.Ooooo正ooooO
睇完風景, 食完buffet, 立即 call back hotel 解決爆玻璃事件.哈哈, 酒店方面一樣認為ok, 不是我們弄破玻璃. 可以就此了事. 太好啦. hahaha
跟住落黎, 大家黎酒店攞返行李, 準備回碼頭附近既八佰伴等 8pm 船返香港.
總結: 1. 去旅行, 多一兩個 family 真係好好玩, 由其有左小朋友後
2. 澳門既酒店好旺, 成間新世紀係俾人包起左.
3. 帶BB旅行, 可以話係辛苦之旅, 不過辛苦既回報真係無價.
下集完
Click for 下集全相
沒有留言:
發佈留言