經濟周期

經濟周期可分幾個階段：

一、利率下降、銀根寬鬆但經濟仍無起色。中央銀行通常會一再減息去刺激信貸需求，直到經濟有反應為止，例如2001年1月至03年6月。

二、經濟開始向上，信貸需求回升後，通常只須維持利率不變，例如2003年6月至04年7月。

三、需求進一步上升而令通脹率上升，為避免通脹率升幅太大，中央銀行開始加息，呢段日子經濟仍向好；

四、利率加至某一水平，令信貸漸收緊、通脹率增幅放緩但經濟仍然活躍，呢段日子中央銀行只須保持利率不變便可（估計今年下半年出現）；

五、經濟進入另一次放緩期，例如2007年，到時利率才再次向下。

　　依家(2005Feb) 經濟處於第三階段，即經濟仍向好，利率卻上升，因通脹率升幅擴大。國與國之間爭取原材料搶高價格，例如油價。經濟仍向好，亦令樓價及股市保持係高位上落。相信今年下半年開始經濟才進入第四階段，至於第五階段（減息期再開始）要到2007年才出現。

牛市？熊市？上落市？都無關重要，最重要係睇住大市！牛市中可以賺錢，熊市中有機會賺錢，上落市中一樣可以賺錢，如你船頭驚鬼船尾怕賊，便保證你賺唔到錢。

如你損失25％，必須賺回33.3％才打和；如你損失50％，必須賺回100％才打和；如你損失80％，你必須賺回400％才打和！

切記止蝕唔止賺，任何時刻損失15％便立即止蝕，只要嚴格遵守，已可將風險大大降低。唔好追求5－10％利潤，寧買當頭起，股價一旦上升5－10％往往仍會再升。通常一年只需買賣三到四次便足夠，

經常出入者只係經紀好朋友。

1984至97年買樓可令你致富，1997年7月後只有股票投資才能致富。

轉載自: 信報財經新聞 曹仁超 2006-02-17 投資者日記 管眾之事就係政治