養兩條化骨龍夠你供層樓

唔知大家睇完以下既計算方式同未來香港既展望，你會有乜睇法呢？

養兩條化骨龍夠你供層樓 - quoted 信報財經新聞 曹仁超 2006-03-18 投資者日記 雞仔唔管管麻鷹

以今年成本計，湊大一個細路費用幾多？答案係二十一萬一千三百七十美元（折合一百六十四萬八千多港元）；如家裏有兩條化骨龍，你既負擔係三百三十萬港元，同供層普通樓代價差唔多（上述未包括供佢出國讀大學）。

至於回報率卻接近零，因為係現今社會，孩子大學畢業後能養得起自己已了不起，作為父母，亦無謂增加佢地既財務負擔。如閣下二十八歲結婚，婚後育有兩名孩子，你係五十歲前能夠富起黎，便認真了不起，因為既要供樓又要養兩條化骨龍，已佔去二十八至五十歲總收入六百萬元左右，你仲能夠剩番多少現金作退休用？

如果你係1967至97年呢段日子能利用香港經濟上升浪去賺錢則例外。1997年8月後，恒指係16800點上上落落，樓價亦一樣（如非豪宅，更係跌多升少），香港各行各業自1994年起先後進入供應過剩期，無論從事邊個行業，所面對既都係買家市場。1994至2004年仲有一點因素可幫你搵銀，就係利率方向反覆向下；2004年7月起連呢點都冇埋。換言之，香港發達機會真係少得可憐。

分類: economy