2010年 北京 春日之旅 準備篇 + Day 1, 2, 3 + 電訊篇

北京準備篇

• 2010年 北京 春日之旅 準備篇 + Day 1, 2, 3 + 電訊篇
• 2010年 北京 春日之旅 Day 4, 5, 6

09年9月, 朋友提議 2010年復活節假期回京遊覽, 復活節旺季出遊, 機位超級緊張, 12月的聖誕節後, 開始找相熟旅行社 mark位. 1月中已安排好 國航 CA, 航班時間不錯, 去程10:30, 回程17:30.

通常最阻滯的機位, 話咁快就安排好 (當然啦, 3個月前喎, 又唔係好貴咋喎), 接著開始預算行程. 雖則自由行, 但係一大班朋友, 又大又細 (8大6細), 點都要攪個方案出黎. 俾各團友破壞到體無完膚. 先至滿足到自由行的惡攪期望, 又要行程豐富, 又要有得食有得玩,仲要每晚無 10點, 都唔準返到酒店 :P

安排行程時, 攪錯左清明節都是內地節日, 仲清明去八達嶺 做好漢,  好在有識之仕眼明, 即睇即改. 

旅遊書方面, 最多雜項資源, 巴士路線, 景點步行資訊, 正文社 係最齊全. 唔怕內容長氣, 帶一本去北京是不錯的選擇. 

行友忙完睇樓, 又忙過年, 仲有搬屋, 攪1次聚會都無可能, 只靠 email + MSN 傾掂. 傾好安排 兩晚 四合院 + 其餘 商務酒店.
搜羅之後, 決定 北京紅燈籠客棧 Red Lantern House, 再加 北京桔子西直門酒店.

Day 1, 香港 -> 北京 -> 紅燈籠客棧 -> 國家大劇院 -> 天安門城樓 (夜景) -> 王府井 -> aPM (新東安市場) 東來順

搭巴士出停機坪

中國航空變左澳門航空?!

加班機, 機位好窄

紅燈籠客棧, 的士從3號大樓南行機場第二高速, 比友人貴了 $30. 第一日就被的士騙.

正覺胡同的仿古園 (紅燈籠客棧) 正是目的地. 登記完, 嬸嬸帶我們去 寶苑賓館, 是一同經營的 四合院, 房間有衛浴, 雙人房的大床也剛好足夠文瑄 (7歲) + 伊彤 (3歲) 訓. 而 book 左既雙人雙床房間, 拍埋4人一齊訓也 ok.

 

去到 國家大劇院 已經閉館，到此一遊的影呀影．

徒步至天安門廣場，剛好遇著下旗典禮，整條長安大街停頓，車停了，讓解放軍從城樓走至廣場下旗.

途經人民大會堂  

城樓外

慢步去 王府井

文瑄舟車勞頓, 第一日已病倒, 行過天安門已開始體力不支, 再行至 東來順已無乜反應. 好在友人有藥在手, 訓完一輪已清醒不少.

東來順的邊爐火鍋, 東來順好多人, 8點時仲有大堆人排隊, 反而我地人多, 大檯直接問知客, 好快就有位.

食飽, 向東行左去 5號線 燈市口 站, 在 東單站 轉 1號線, 估唔到要行好長路才成功轉線. 再在 西單站 轉 4號線.

Day 2, 鐘鼓樓 -> 煙袋斜街 -> 前海 -> 烤肉季 -> 恭王府 -> (晚飯) 花家怡園 (四合院店)

文瑄發低燒, 早上買左麵包等老婆同小朋友起身, 團友出發去鐘鼓樓, 煙袋斜街, 再約午餐地點.

打的去 銀錠橋,  不知的士司機怕塞車, 還是其他原因, 在 荷花市場 放低, 要行 10 多分鐘才到烤肉季. 

暖暖的一"pad" 屎, 味道還可以

下個行程，就在不遠處的 恭王府，經前海北沿慢慢步至，10 多分鐘就到．

恭王府

參觀完 恭王府，在 地安門大街 乘 107 號到 東直門內大街，又名簋街的馳名食街，全街由左至右，右至左，也是各式食店．

來到簋街, 預定了 花家怡園 (四合院) 店，人很多，大廳大檯需最低消費 $1,500, 只能坐最多 10人，借助友人的北京脈略，用左 ４個名，留4張細檯(沒有最低消費），4個家庭各自搵食．座位對正表現台(8時多才開始)，遠一點，感覺也清休一點.

Day 3 天壇 -> 前門大街 -> 全聚德 起源店
在客棧外隨便吃過麵 (新川面馆) , 離開 紅燈籠客棧, 轉戰 桔子西直門酒店, 房間環境不錯, 放好行李.

搭 105號電車至 天壇, 從西門行至中軸 (東門與北門會行少一點), 需要 20mins+, 實在天大地大，看似行不完.

順路到祈年殿, 回音壁, 圓丘, 時間已經 3點, 在南門找間餃子, 麵店. 便宜地完成 late lunch.

在天壇南門找著 120 路 去 前門大街 (珠市口南 站會近一點) , 前門大街的感覺好怪, 人為做作的古典建築, 沒有半點味道. 最吸引旅客的, 恐怕只有 全聚德 起源店 的烤鴨.

電訊篇

向親戚借來了 China Unicom 中國聯通 的一卡兩號.

收費如下:

廣東省內 致電回港 $0.8/min, 撥打方式: 96525 00852 

廣東省外 致電回港 $2.05/min, 撥打方式: 17911 00852

聯通有智能回撥, 需 先付月費 $10 (含 20mins) , 其後每分鐘 $1.05 /min致電回港, 

用完只要月尾前在香港取消智能回撥, 下月就不用收 $10 智能回撥月費.

中國聯通 如意中港通詳情 

中國聯通 查詢餘額 及 有效期

香港: 6611 0011 (免費), 大陸:13010200400 (免費), 10011 [只有語音 + 音頻 查詢, 如能學習泰國等國家用手機 send command, 回覆 SMS 就更好了]

Click for large北京-2010行程地圖


D1 Trail

Click for larger

D2 Trail

Click for larger

D3 Trail

Click for larger