北碧,華欣,曼谷 2015 自駕 夏日之旅 - day 5

D5: G Hua Hin -> 筷子山 Khao Takiab -> Sontorini Park Cha-Am -> May Mint -> 正盛食堂 -> Cicada Night Market

食飽早餐,泳池遊水晒太陽,咸水泳池,無味,唔錯。book 左 vineyard 食午餐,聽阿欣講 vineyard 食晏同個 view 唔特別,改去 筷子山 食海鲜。






原本去阿欣食開右手邊個間,今日無乜新鮮貨,改去隔離間。早餐都係剛剛落格,叫了螄蚶,大頭蝦,蟹,蠔餅,蟹肉炒飯,每樣少少都好豐富。過冷河螄蚶,好血淋淋,食來食去都仲有好多。原本想食魚,太大條,食唔晒,依家加埋汽水都唔洗 B$1,000。









散下步,再去 筷子山 的立佛參拜,影完相,去 七岩 Santorini Park,入場費要 B150,都幾貴,入左場又唔覺好特別,況且有點陳舊,好多 shops 都已經不再經營,行左個圈,食件 pancake ,影幾張到此一遊就走。



















隔壁不遠有 May Mint Outlet,聽聞有 A&F, Super Dry, Hollister t-shirt 賣,順便經過就放底左千幾2千 baht。

揸車返華欣食晚飯,行左山邊 AH2 公路,好多貨櫃車,唔敢太放肆超速,到達 正盛食堂 已經 7 點多,已經係最後的客人,再來的已被彈客。原來 正盛 7:30 收鋪,8點拉閘,得返街邊檯,9點前全收。










order 海鮮什錦火鍋,串燒已經沽清,再叫炸軟殼蟹,炒菜,炸魚,快快手食飽就走。仲有下場夜市 Cicada。









車左公公返酒店休息,直驅華欣尾 Cicada Night Market,人多車多,汨入車場收 B$50。Night Market 好大,有食店有小擺賣,各店都有特色,氣氛相當好,有機會來華欣,剛好五六日,絕對值得來此走一轉。有幾唔捨得都好,明日返曼谷,華欣好多地方都 skip左,有時間可以重遊啊。

Ref:


D5 KML

北碧,華欣,曼谷 2015 自駕 夏日之旅 - day 0

沒有留言:

發佈留言

Related Posts Plugin for WordPress, Blogger...