1兩 (TAEL) = 幾多安士 (Oz)

經明查暗訪，係 Google 搵 1 tael = ? oz ，終於發現．

[ 1兩 (TAEL) = 37.5克(g) ] and [ 28.35克(gram) = 1安士(oz) ]

1兩 = 37.5克(g)
= [ (28.35 * 37.5 / 28.35 ) 克(gram) ]
= [ 1安士(oz) * 1.32275 ]
= 1.32275安士(oz)

答案係： 1兩 = 1.32275安士(oz)

如果睇緊美元金價，又想轉做香港金價，可以用以下方式作參考．
US$GOLD(oz) * 1.32275 * Exchange Rate (7.7n) = HK$GOLD(TAEL)

Ref:

• Tael - Wikipedia
• Chinese units of measurement
• 黃金價格 @ 恒生銀行有限公司
  

曹仁超近一星期的黃金輯錄
---
2006-06-15
金價已跌穿二百天線、RSI進入超賣區，ROC更跌至負12，相信進入尋底期，拋售潮已近尾聲。

我老曹再強調一次，二百天線（或二百五十天線）唔係牛熊分界線，移動平均線係1973年7月《信報》鄭植林兄由外國引入香港，並證明十分有用，但依家太普及，而引發好多誤解！

移動平均線一如猜測指數、動力指數及RSI，係擺動指數（oscillator），並非乜嘢牛熊分界線，呢D毫無根據嘅笑話，真係笑死鬼佬。一如過去有人認為減息股市升、加息股市跌一樣咁荒謬！

換言之，升穿二百天線（或二百五十天線）唔代表牛市誕生，跌穿二百天線（或二百五十天線）亦唔表牛市死亡。日經平均指數去年5月首次跌破二百五十天線，事後冇任何嘢發生【圖一】。

5月12日金價七百三十點四美元，拋離二百天線33.7％引發調整；今天金價見五百四十二點五美元，略低於二百天線，代表拋售告一段落，代表呢個水平購入黃金風險唔大，後市展望下跌風險只有5-10％。去年7月黃金亦跌穿二百天線，黃金牛市亦未死（喺牛市中，跌穿二百天線係入貨訊號，代表五百四十六美元或以下可考慮重新吸納黃金！）如果係牛市，好少低於二百天十個交易天，即黃金由五百四十二美元回升機會十分大，當然亦有例外。分辨牛熊、利用道氏理論，涉及大量基本因素須考慮。

---
2006-06-16
金價跌穿545美元宜買不宜賣

　　道瓊斯世界股市指數（Dow Jones World Stock Index）由去年9月開始既上升軌已失守，但MACD已進入短期超賣區，令一次反彈出現，不過?呢個水平才反彈，真係醫番都殘廢，因上升軌上周已失守！美國交易所金融項目指數（XLF）已完成頭肩頂走勢及跌破頭線，因MACD太低而出現短期反彈已冇乜用，代表金融股後市睇淡。

　　金價見五百四十五美元或以下，進入宜買不宜賣，短期睇淡分析到此為止。呢次係不足三十天內金價下調一百九十美元，證明由五百四十美元上升至七百三十美元有泡沫成分，依家泡沫已被抹走，如大家相信黃金牛市，日後上望一千美元一盎斯，五百四十五美元或以下應重新收集黃金（估計下跌空間只有5％至10％）。Buy low and sell high人人曉講，每當高價來臨時，唔少人卻唔肯賣，當低價來臨時又唔敢買，有時真係……。

所以話，賺錢與否許多時唔在乎技巧而係性格，可惜江山易改品性難移。所以話教人發達易，幫人發達難。每當電視新聞都係報道黃金大升之時，往往係獲利回吐時刻，又一次證明正確。呢次真係多謝各電視台所提供既訊號！

美滙已進入上升周期，令金價短期上升乏力，估計係五百四十五美元附近有一段較長既牛皮日子。後市展望，股市進入反彈，由於廣度指數（Breadth Index）好差，睇落只係一次反彈，金價正進入整固期，相信拋售已完成。

---
2006-06-17
金價由七百三十美元一盎斯回落至五百四十一點八五美元，下跌一百八十八點一五美元，如反彈跌幅三分一，可見六百零四美元。後市展望，金價喺五百四十二美元至六百零四美元之間上落。

雖然金價自5月11日至6月13日一個月時間左右跌幅超過25％，但由於未低於二百天線超過十個交易天，仍被視為健康調整。我老曹睇法係，下挫只屬暫時現象，完成整固後，未來金價仍有機會見一千美元一盎斯。

1980至99年金價長期低迷，令用於勘探開發嘅黃金礦藏費用好少， 2000年至今產量亦未見大升，每年黃金供求缺口達五百噸左右。世界經濟繁榮，又刺激黃金用量，估計金價後市喺五百四十至六百零五美元之間消化後再算。

CRB指數上升軌好健康【圖】，相信金價只係整固，消化過去太大嘅升幅；反之，標普五百指數上升軌已失守，呢次只係反彈，殺一殺空倉者氣焰，大方向仲係向下。

根據贏家輸家比率（即過去二十五個交易天內上升股份除下降股份），2003年4月開始日本方面數字經常大於1（即大部分日子贏家多於輸家），但到咗最近數字跌至0.54，即輸家多於贏家；上述數字甚至較1992年8月仲差。

另一衡量方法係利用東京交易所內過去十二個月創新高嘅股份同創新低嘅股份比較，依家創新低股份六百一十一隻、創新高股份一隻（管理層將它私有化）。
1992年8月日經喺極度超賣下，一個月內曾反彈30％，6月13日日經情況雖然較 1992年8月更差，相信反彈幅度仍然有限。如用股市去預測日本未來經濟景氣，答案可能係2003年4月至今只係另一次大反彈，而非日本重返經濟繁榮周期。

---
2006-06-21
　　我老曹係黃金長期好友，但二十一世紀同七十年代真係唔同。七十年代通脹（CPI）係推動金價上升嘅元兇，二十一世紀便唔太肯定。今天美國經濟擔心通縮大於通脹（不然2003年6月亦毋須減息至一厘），只係利率減幅太大，引發短暫通脹上升，估計聯邦基金利率重返五厘二五至五厘半之後，通脹率又再慢慢回落，此乃5月份將黃金獲利回吐嘅理由。

---
2006-06-22
　　金價正在尋底（或者喺五百四十二美元已經搵到，但未肯定），將來金價或可見一千美元，但由今天到將來之間卻有唔知幾多個明天，明天金價怎麽樣則木宰羊。

分類: Economy