早餐款式不萛特別 ，奄列，腸仔，蛋，粥，麥皮，生果，果汁，基本野樣樣都有。
玩左一陣，熱完身，落水玩。越來越多人，好多俄國家庭，情侶，台灣人。
玩到咁上下，開車去搵 炳嫂，問下有無特價入場卷，順便睇下手信。
原本想去 羅勇 果園 Suphattra Land 素啪他觀光果園，炳嫂 話冬天乜都無，改去 Silverlakde Vineyard。
出發前去左 炳嫂 介紹，佢鋪頭附近食雞飯，味道還可以。
再回鋪頭找手信錢，問有無 Khao Kheow Open Zoo 門票賣，自駕明天去，炳嫂 寫左張 voucher，收左錢，諗住平左，都無再理咁多 (Day 3 再講發生乜事) 。
揸左大半小時，首站去 七珍佛山，好多旅行團，到此一遊，影完相，轉場去酒莊。
5分鐘就到，亦好多人，全部私家車，全部本地人，好有渡假感覺。
Join 左個 基本 B100 Vineyard tour，坐車遊花園，影下花，又唔熱，涼風送爽，十分寫意。
最後一站介紹釀酒廠，仲有一人一支葡萄汁，全程接近1小時。
晚飯去左隔離 Tesco Lotus 食 Pizza Company，食飽落 Tesco Lotus 散步，買野飲，買生果。
仲要食甜品，揸返去 Central Festival 食 Swensens，泊車時見排晒長龍離開商場，塞到去 5, 6樓。
食到飽飽，11點返酒店，7-11 買 芒果 食。
Ref:
Track kml file
沒有留言:
發佈留言