睇北碧酒店，考慮左好耐，3,4 星酒店，價錢唔貴，既然自駕，選離市中心10多分鐘車程，口碑不錯，河邊酒店的 Royal River Kwakiutl Resort.
尋晚到北碧已經黑嘛嘛，只知道市中心都好光猛，食飯間餐廳係桂河橋隔離，其他野都唔係睇得好清楚。酒店位置隔離係河，河水湍急，落去游水，實被沖走，欣賞一會清休河景，去餐廳食早餐。
早餐豐富，ABF 應有盡有，炒飯炒米，煎蛋炒蛋，果汁，麥片。10點前出發往 Big C 增值另一張同事用罄的 7日 Happy SIM，dtac 職員幫忙入 code activate 好快攪掂。另外買左麵包，中午列車上食。
10:30前泊好車在桂河橋站，到車站望望，今日準時 10:42 分到，原因只係 257 號列車，平時 7:45 分曼谷開來北碧，今個月道路維修，改由北碧開出，一定會準時吧。
時間剛剛好，票也未買好，急急腳上車。火車只有風扇，一點點熱，人不萛多，隨便行，隨便坐，好快已經有票務員查票，位位 B$100，小童半價。
火車喀隆喀隆穿梭田野間，途中有人幫忙拍照，製作成車票發售。還有零食，飲品小販穿梭車廂。約 1.5小時後，到達Tha Kilen 站，好多join tour 的人上車，全車滿座，一同經歷列車通過懸崖，當年戰俘搭成的橋道。
過左精華路段，到達 Tham Krasae Station，9成人落車，繼續我地餘下往總站 Nam Tok Railway Station 站的路程。到達總站，列車會停~30分鐘，原路回北碧 (正常情況會返回曼谷) 。車站好普通，找不到交通工具回桂河橋，我們再一次搭死亡列車，再一次親身感受當年戰俘在酷熱天氣下的生活環境。
好快返回 Tham Krasae Station，好多遊客上車，再穿過木橋。慢慢吞吞的到達下一站，高興熱鬧的車廂再次回覆平靜，拿出麵包吃，也買了pancake，味道還不錯。
揸車去 Big C 食 food court late lunch, 湯麵，炒河不過不失，勝在冷氣充足。炎炎夏日，點捨得酒店泳池涼快一下，急急腳返房換泳衣。
晚飯時間參觀了 Kee Ree Tara 隔離個間 floating restaurant, 又貴又唔特別，食多次 Kee Ree Tara。龍眼 drink, 落神花都好飲，每道菜都好味。食飽去 Big C 散步，入得 Big C, 點會空手離開，米油特價，買左一箱，職員好心地幫忙 pack 埋箱。
充實的第二日完。
Ref:
沒有留言:
發佈留言