成功人士的生活態度

轉載自：信報財經新聞 曹仁超 2006-06-02 投資者日記 「魯賓」現象或重演

• 成功人士接受生活（每個人都有困難日子及挑戰時刻，佢地只會適應而非投訴），佢地為自己嘅生命負責，而非怨天尤人。佢地明白生活係艱苦嘅，但應學曉尋找其中快樂。

• 成功人士保持樂觀態度，因為佢地知道生活係充滿困難及挑戰，但好人佔全人類人口99％，只要有好朋友協助，任何困難都可克服。

• 成功人士有方向感及做事有目標，朝着自己方向永遠向前，跌倒之後爬起來，擦擦傷口後再行過，永不言敗。

• 成功人士知道自己強項，你地永遠見唔到曹仁超唱歌（因我讀書時音樂科唔合格），但反而見到唔少歌星去投資（結果都係付出代價，因為投資唔係歌星強項）。

• 成功人士有強烈求知欲，喺自己領域內學習從書本上吸收知識，從別人成功例子學習，更從別人失敗例子中汲取教訓。

• 成功人士唔係理論派，而係行動者。大部分學者所犯錯誤就係理論多多卻唔付諸實行（講就無敵，做就冇力）。

• 成功人士唔怕辛苦、唔怕沉悶，因為佢地喺學習過程中及行動過程中得到樂趣及新經驗，點會感到辛苦及沉悶？

• 成功投資策略知道何時應進取，何時宜保守，唔會一成不變。當機會來臨時極之進取，冇機會時滿足於收四至五厘息回報。
  

上述係成功人士擁有嘅性格，你有冇？

分類: 至理名言