轉載自 2006-07-10 投資者日記
1976年卡達總統上任時，已面對通脹壓力，但因政府遲遲唔肯大幅加息，結果令1979年油價上升超過三倍，美國貿赤一個月達一百四十億美元，引發美元在1979年滙價狂瀉，金價由卡達上台時嘅一百八十美元一盎斯，急升到他落台前嘅八百美元，並在1980年1月創下八百五十美元歷史高位。
列根總統未上台，聯儲局已換人，雪茄伏上任立即將利率抽高，1981年曾見二十厘，引發1981年股市狂瀉、債券價格大跌，令美國經濟陷入衰退。1982年市場對美元重新恢復信心，並開始十八年長嘅美股超級大牛市。卡達總統100％係好人，但唔適宜做總統（仁者不掌權，義者不帶兵）。今天美國聯儲局主席由教授出任，我老曹真係幾擔心歷史會重演，例如我地嘅白眉董亦係100％好人，但在佢當特首期間，港人卻雞毛鴨血。
分類: 至理名言
沒有留言:
發佈留言