2018 白濱 Shirahama.和歌山 Wakayama Day 4, 5, 6

D4: 大阪 -> 王寺寺  -> JR くろしお7号 -> 白濱 -> 熊貓村 -> Toretore 市場 -> 熊貓村

一早起身準備好出發,原本北上 新大阪 總站,搭 2.5小時 黑潮號 去 白濱,check Yahoo transit 京都線 有人身事故,無車上 新大阪。

想了一會,只好南下,經 黑潮號 次站 天王寺 轉車,期望自由席還有座位。拖行李轉月台搭 環狀線,趕車加上緊張,看錯環狀線表達方法,在 弁天町 以為搭錯車,轉月台搭回頭。點知原本已經正確,又再拖行李走一轉,慶幸環狀線多車又快,到達天王寺 還有7mins 轉車,月台也正好是 黑潮號。

排自由席已經有7, 8人,黑潮號到站已經坐滿9成,排不到前沿沒地方放行李,座位也幾個,幸好 伊彤 及 文瑄 找到位子,老婆和我只得在通道等。

企了不用一小時,和歌山 好多乘客落車,起碼有1.5小時坐,望下風景。到達 白濱,首目標已見 熊貓列車嘅座位,還有到此一遊日期牌,影張相後持的士搭。

10mins 車程就到,放底行李,攪好手續,晏啲先有房。

1點多行過去 Toretore 市場食晏,市場都幾大,有魚生飯有燒烤,原隻墨魚仔燒丸子。

市場還有土產店,生果,藥粧,文瑄 沒興趣購物,帶佢返房休息,不一會落起傾盤大雨,順便帶遮返市場接兩母女。

熊貓村的熊貓屋間間都有自己名,間間都唔同樣,好特別。晚飯自助餐,6點半 full 晒,8點又太晏,只好食5點半時段,食到 7點都可以。

有一大盤魚生特別炮製,還有各式美食,好豐富。天還未黑齊,為每一間熊貓屋影低樣留紀念。

休息一陣去 Toretore 之湯浸溫泉,関西最大級之温浴施設,入面有好多唔同款式嘅湯浸,最特別有電流按摩㖭。10點搭 shuttle 返村瞓覺。
D5:  熊貓村 -> Adventure world  -> JR ろしお -> 和歌山 -> Dormy Inn Premium

昨晚發現 熊貓村 有免費 shuttle 去 白濱  Adventure world,慳返搭的士錢。熊貓村 自助早餐好豐富,人多要等十多分鐘位。網上睇過 Adventure World 自助行李櫃足夠放,帶埋行李出發去探熊貓。

入場揾熊貓 影相,坐小火車遊覽獅子,老虎,睇埋動動表演已經中午,揾位食熊貓套餐。

預咗時間搭4點多 黑潮號,搭個半小時多返 和歌山,食完晏在大街商店購物,想得到的每件商品,也有熊貓的款式,衫褲鞋襪,公仔掛飾首飾背囊,應有盡有,連茶葉米酒也是熊貓版,離開時連的士也有熊貓圖案。

車站離這裡不遠,4個人搭的士好快到車站,特急好快返到 和歌山,發現今次 關西 之旅重點目標,特色熊貓黑潮號,7點半會到 日根野 站,南行返和歌山。

到達 和歌山,行一段路到酒店,剛好明日關西打風,日落天空變得超靚。安排好和日式4人房後,返車站行陣後再搭黑潮號北上即刻計好時間,搭車北上 日根野 等車。

 日根野,準備迎接 熊貓列車。列車準時到達,車頭車尾也是熊貓裝扮,十分精緻,車廂內套上熊貓頭。車程廿多分鐘,好快返回 和歌山 收車,望住熊貓眼由精神狀態,放下眼皮休息。

車站樓上食烏冬,豬扒飯,返酒店浸溫泉,休息。


D6: Dormy Inn Preimun -> Ramen Marui -> 和歌山城  ->  Aeon Style 和歌山 -> Dormy Inn Preimun

原本行程去坐 貴志川線 揾貓站長影相,一個二個懶惰鬼唔願早起床,行程 skip 咗早接去和歌山城。

佢哋未起身,有點時間跑步走一圈,來回4km 半個鐘,浸返個湯叫大家起床。

一班懶鬼十一點出門口,行去 蟹道樂 搵食,去到鋪太太有興趣,改去附近食拉麵。

Ramen Marui Google map 有4粒星,多蔥有芽菜,湯底濃郁口感有層次,餃子肉汁豐盛,脆皮好味。

食完晏有體力行 和歌山城,一步一步上天守閣睇風景。

下一站商場,和歌山大學前,Aeon mall,佔地面積超廣闊,想食想買也能在此找,行下買下時間不早,決定在超市買魚生壽司外買返酒店食。

原本 台風 12號預計晚間會吹至 和歌山,白濱 一帶,最終北移吹襲 奈良,大阪,身處 和歌山 一切安好,天朗氣清,日落很美。









































































































沒有留言:

發佈留言

Related Posts Plugin for WordPress, Blogger...