晨早 8:30 出門口，搭巴士去 西安火車站，碰下運氣，睇下 遊5 (306)，清明前夕係咪無人去玩。西安出租車 (的士) 廣告好勁，所有車頂的 LCD 廣告，會同一時間出同一段訊息，唔會睇錯，唔會睇唔到。
巴士在 五路口 轉上 火車站的路後，已覺勢色不對，人潮越來越多，越來越密。落車過馬路，更見人龍已排得長長，不知何地才是 遊5 (306) 登車站頭。走到站頭，證實最長的人龍就是去 兵馬俑 ，即刻致電司機能否包車遊，司機答應明日有車。即時轉變行程，改往 陝西博物館。
無得上網，唔識搭巴士，好在資料齊備，再問人確實，上巴士直達，不用走來走去，十時多到達。
陝西博物館 已人頭擁擁，問好年票怎樣排，搵好窗口排隊等開閘。只見排免費票的人龍超長，好誇張。
有年票在手，方便快捷又平，遊走 陝西 一定要有。入場找講解員作導賞 (RMB$100)，由頭帶到尾，不停參觀到 1時才離開。
睇大眾點評，附近有間 功夫麵，行到發現有間 老米家大雨泡饃，幾特別，入去試下。
各家叫左一碗，好食再 order，不過店家出 order 好亂，分不清牛肉，豬肉。為怕食錯，Syreeta 無份食。
泡饃幾特別，加上肉湯，望落怪怪，食落口都幾好食。食完再去隔離 功夫麵 食多餐，功夫麵，羊肚絲，各式小食好好味。
食飽開始落雨，撐著遮，散步去 大雁塔北廣場，中途經過 綠螞蟻 Greenants Outdoors Outlet，間鋪有好多野賣，唔想攞住行街，一件都無得買。
雨沒有一刻停下來，到大雁塔北廣場，遇著音樂噴泉表現，企定定睇埋先走。
落住雨，又大霧，大雁塔外留影就離開。今早行左一個上午，個個都腳仔軟，東街食小食，之後坐進 Burger King 休息下。
下一站返 鐘樓站，食 德發長餃子館。大雁塔一帶，為左建設地鐵新線，超級塞車，原本西行至 小寨站 搭地鐵，改為北上再搭地鐵。
好不輕鬆，接近一小時才到 鐘樓站，雨還是超大，走進德發長開餐。這裡自助快餐形式，俾完錢，自己攞返位，要蒸要焗會跟落單號碼送上。
今日 Kenneth 生日，周圍也找不到蛋糕，幸運地在下層 Häagen-Dazs 有蛋糕形狀雪糕賣，咁樣唱生日歌也不會太單調啊。
慶祝完，依然落大雨，搭地鐵返酒店休息，準備明早的西安主菜，兵馬俑。
Ref:
沒有留言:
發佈留言